Профил на компанијата

Водечки интернет провајдер

Основана од група ентузијасти во 2000-та година како најмлада меѓу Интернет провајдерите во Македонија, Он.нет денеска е една од водечките компании на интернет пазарот во Република Македонија. Со својот континуиран раст и развој и позитивен имиџ Он.нет успеа да привлече стратешки партнер и од март 2006 година да стане дел од Групацијата Телеком Словенија која обединува повеќе реномирани компании од полето на телекомуникациите.

Компанијата нуди широко портфолио на производи и услуги за своите резиденцијални и бизнис корисници. Покрај понудата на стандарден терестријален интернет пристап (Dial up, ISDN, Leased line), Он.нет е единствениот оператор во Република Македонија кој обезбедува безжичен широкопојасен интернет пристап со големи брзини и стабилна конекција на целата територија на земјата. Само една година по лансирањето на WADSL (безжичен ADSL) услугата Он.нет успеа да освои дури 26% од пазарот на широкопојасен интернет.

Портфолиото на компанијата вклучува и VPN, видео надзор, VoIP, веб хостинг, колокација на сервер, iSMS и WAP апликации, онлајн маркетинг.

Нов оператор во фиксната телефонија

Во февруари 2007 година Он.нет стана новиот оператор во фиксната телефонија со што направи пресвртница во македонскиот телекомуникациски пазар и им овозможи на корисниците конечно да имаат избор при фиксни телефонски разговори во земјата и странство.

Услугата 1010 Избор на оператор првенствено е наменета за домашни корисници и мали бизниси, а услугата Предизбор на оператор дизајнирана е специјално за големи бизниси со повеќе претставништва на различни локации. Овие услуги можат веднаш да бидат активирани на постојните телефонски броеви на корисниците, а со инсталирање на VoIP телефонски адаптер корисниците можат да добијат и сосема нов телефонски број од нумерациското подрачје на Он.нет.

Идни планови и цели

Во април 2007 година Телеком Словенија инвестираше дополнителни 4.000.000,оо EUR со што го зголеми својот удел во Он.нет на 83,38%. Средствата ќе бидат искористени за понатамошен развој на компанијата, а пред се за развој на ADSL технологија.

Оваа инвестиција, како и влезот на Он.нет на пазарот на фиксната телефонија ќе придонесат за што поскора трансформација кон целосно интегриран оператор во насока на остварување на мисијата и визијата на компанијата.

Превземи ја корпоративната брошура на Он.нет