17 Ноември 2007 година (среда), во Хотелот Александар Палас на заедничка прес конференција УСАИД, Проектот за основно образование на УСАИД (ПЕП) и Он.Нет ги доделија наградите на основците кои земаа учество во Изборот за креирање на знак, лого по кој ќе бидат препознатливи Ученичките Тимови за Техничка Подршка.

    
 Членовите на Ученичките Тимови за Техничка Подршка  поминаа низ специјална обука за работа со компјутери која  опфати и хардверски и софтверски содржини и во иднина ќе имаат за задача во текот на образовниот процес да им помагаат на своите соученици околу евенутални прашања и проблеми од оваа област. Со овој Проект се овозможува подигнување на квалитетот на образование, развој на информатичката писменост кај сите ученици и креирање на квалитетни кадри кои полесно ќе успеат на пазарот на труд.

Во рамките на Проектот за основно образование досега се креирани 164   Ученички Тимови за Техничка Подршка кои испратија 168 креативни решенија за лого. Тим составен од претставници на УСАИД, ПЕП и Он.нет направи потесен избор од 11 логоа за кои беше овозможено он-лајн гласање од страна на Он.нет.

Според гласовите на учениците најдобри логоа изработија:
1. Прво место – Филип Велков од ОУ “Раде Кратовче” од Кочани;
2. Второ место – Ангела Зафировска од ОУ “Кочо Рацин” од Куманово;
3. Трето место – Кристијан Лахтов од ОУ “Св. Кирил и Методиј” од Скопје.

На најдобрите тројца дизајнери за време на свеченоста во  Александар Палас Он.нет им додели Признанија за бесплатно користење на Wadsl интернет пакетот во период од 1 година со вклучен 15 GB сообраќај. Дополнитено, во рамките на овој проект, Он.нет  обезбеди 20 % попуст за сите членови на Ученичките Тимови за Техничка Подршка за користење на овој пакет.

На свеченоста присуствуваа и Министерот за Образование Г-дин Сулејман Рушити, Претставници на УСАИД, Г-динот Двејн Ли и претставници на училиштата.